Најголемиот светски дистрибутер на електронска стока за широка потрошувачка , американската компанија „Best Buy“ во вториот квартал оствари 146 милиони нето профит, со пад од 45,1 проценти во однос на истиот квартал минатата година.
Во исто време, приходите од продажбата изнесувале 8,90 милијарди долари, со пад од четири проценти, на годишно ниво, додека аналитичарите во просек предвидуваа 8,99 милијарди приходи, пренесува Ројтерс.
Во соопштението се наведува дека од почетокот на годината главната цел на компанијата било намалувањет на трошоците и интензивирањето на продажбата преку интернет, која во вториот квартал е зголемена и покрај силната конкуренција на интернет гигантот „Amazon“.
