Кинескиот претседател Си Џинпинг вети дека ќе ги запре „неразумно високите“ плати на извршните директори во државните компании.
Џинпинг не изнесе повеќе детали во соопштението, но на седницата на владата наведе дека компаниите мораат да обезбедат соодветни плати за секое ниво, како и тоа дека „неразумно високите и преголеми приходи мораат да бидат регулирани“. Изјавата на Џинпинг доаѓа по моментот кога владејачката Комунистичка партија врши притисок врз владините претставници да ги намалат трошоците за лимузините, банкетите, забавите и општо организациите.
Платите на извршните директори во државните компании, во кои спаѓаат и нафтените комапнии, банките и телекомуникациските компании се за неколку стотици пати поголеми од кинеската просечна плата, наведува агенцијата АП.
