Елизабет Холмс ја основала својата компанија за брзи крвни тестови во 2003 година, кога имала само 19 години.
Нејзината компанија денес вреди повеќе од 9 милијарди долари и има 500 вработени. Елизабет Холмс, која денес има 30 години е најмладата милијардерка во светот која сама го создала своето богатство.
Во позадина на успехот на Елизабет Холмс, која го напуштила Станфорд и никогаш не дипломирала, е нејзиниот идеализам и желбата да го промени светот на подобро.
Целта на нејзиниот револуционерен систем за тестирање на крвта е рано откривање на здравствените проблеми, пред тие да се претворат во опасна болест.
„Ние веруваме дека пристапот кон здравствените информации во моментот кога тоа е најважно е основно човеково правило. Работиме на тоа да му го овозможиме на секој, без оглед колку пари има, каде живее или какво осигурување има, тој мора да има пристап до овие информации кои ќе му помогнат да си го спаси или промени животот“, вели Холмс.
