Хонг Конг ја намали прогнозата за раст на својата економија за 2014 година, откако кварталниот раст забави на најниското ниво во последните две години.
Причината за тоа е се помалата потрошувачка на кинеските туристи.
Според податоците на владата во Хонг Конг, економијата на овој независен кинески финансиски центар во периодот април-јуни пораснала за скромни 1,8 проценти на годишно ниво, што е значително под растот од 2,6 проценти во првиот квартал, пренесува агенцијата АП.
Владата во Хонг Конг, од таа причина, ја намали годишната прогноза за раст на БДП на помеѓу 2,0 и 3,0 проценти од претходно прогнозираните 3,0 до 4,0 проценти, на што, според соопштението на владата, влијаела ниската потрошувачка на туристите, и забавувањето на домашната побарувачка, кое стана нов извор на неизвесност.
