Економијата на Словачка во вториот квартал од оваа година се зголеми за 2,5 проценти на годишно ниво, објави денес Статистичката канцеларија на Словачка.
Економијата го задржа солидниот квартален раст, бидејќи бруто домашниот производ (БДП) во однос на првиот квартал, без сезонските влијанија, пораснал за 0,6 проценти, додека во првиот квартал неговиот раст изнесуваше 0,7 проценти.
Годишната стапка на инфлација во Словачка во јули имаше негативна вредност од 0,2 проценти.
Вработеноста во периодот од април до крајот на јуни е зголемена за 1,4 проценти во однос на вториот квартал од 2013 година, а за 0,5 проценти во однос на првите три месеци од оваа година.
