Економските активности во Грција се намалени во вториот квартал со најбавното темпо во последните шест години, покажаа податоците на грчката Канцеларија за статистика ЕЛСТАТ. Грција значително го забави економскиот пад
Официјалните податоци на ЕЛСТАТ покажуваат дека грчката економија во втoриот квартал е намалена за само 0,2 проценти во однос на истиот период минатата година, што е најмалиот пад од третиот квартал во 2008 година.
Во првиот квартал БДП е намален за 1,1 проценти. По шест години рецесија предизвикана од светската криза и внатрешните должнички проблеми, многу економисти предвидуваат дека Грција ќе забележи скромен раст во втората половина од оваа година.
Од почетокот на рецесијата во 2008 година грчката економија е намалена речиси за една четвртина, делумно и поради острите мерки за штедење кои владата мораше да ги воведе, вклучувајќи намалување на јавната потрошувачка и зголемување на даноците, со цел да добие меѓународни кредити.
