Две бразилски компании понудиле 611 милиони долари за превземање на американската компанија за одгледување и извоз на банани „Chiquita“, а со тоа го ставија под знак прашалник најавеното соединување на таа компанија и европскиот ривал „Fyffes“.
За превземањето на „Chiquitа“, најголемиот бразилски извозник на сок од портокал „Cutrale“ и инвестициската банка „Safra“ понудиле 611 милиони долари, односно 13 долари по акција, што е за 29 проценти повеќе од нивната моментална вредност, пренесуваат светските агенции.
Најновата понуда е закана за планираното соединување на „Chiquitа“ и ирската компанија „Fyffes“, односно основање на најголемата светска компанија за одгледување и извоз на банани со годишни приходи од 4.6 милијарди долари.
Поради новата понуда, останува да се види како од „Fyffes“ ќе реагираат на конкуренцијата и дали и тие ќе ја зголемат својата понуда за остварување на својата претходно замислена цел.