Полска ќе достави жалба до Светската трговска организација (СТО) поради руската забрана за увоз на овошје и зеленчук од Полска, изјави министерот за земјоделство, Марек Савицки.
„Не можевме порано да поднесеме жалба, бидејќи дури вчера добивме официјално извесување за забраната, пред тоа имавме само медиумски извештаи“, рече Савицки за еден полски весник, а пренесува „Reuters“.
Соопштението на Варшава доаѓа набрзо откако Европската комисија одличи да формира работна група составена од високи земјоделски експерти од сите земји на Европската унија, кои ќе ги анализираат последиците од руската забрана на храна од Унијата.
Официјална Москва вчера го забрани увозот на прехрамбени производи од Запад, како одговор на европските и американските санкции за Русија поради украинската криза.