Украина очекува дека одлуката за исплата на втората транша помош од ММФ, во износ од 1,4 милијарди долари, ќе биде усвоена до 29. август.
Тоа е изјавата на гувернерката на централната банка на Украина, Валерија Хонатарева.
Станува збор за рата од кредитот кој ММФ во мај и го одобри на Украина, а чија вкупна вредност изнесува 17 милијарди долари, потсетува агенцијата Ројтерс.
Украина, која се бори со проруските сили на истокот од земјата и чија економија е во рецесија од 2012 година, во мај ја прими првата транша од помошта во висина од 3,2 милијарди долари, наведува Ројтерс.
