Автомобилските компании го имаат предвид зголемувањето на лојални клиенти. Денес постои веројатност повеќето луѓе да бидат лојални кон бренд кој го сакаат, покажува истражувањето на „IHS Automotive“.
Постојат различни фактори кои придонесуваат за тоа една марка да има силна фан база, но се забележува дека оние со поголемо портфолио на производи имаат повеќе лојални навивачи. Некои големи престижни светски брендови не се во листата, само заради помалата палета на производи. Меѓу нив е „Porsche“. Може да имате модел 911, но кога следната година ќе треба да купите голем семеен автомобил, ќе треба да се свртите кон друга марка.
Оваа листа покажува колку клиенти се вратиле повторно кон марката. Истражувањето е направено меѓу американските потрошувачи.
Еве кои се 10-те автомобилски брендови со повеќе лојални симпатизери на американскиот пазар:
1. Ford – 64%
2. Mercedes-Benz – 57.8%
2. Toyota – 57.8%
4. Nissan – 57.4%
5. Chevrolet – 56.4%
6. Subaru – 55.9%
7. Honda – 54%
8. BMW – 53.1%
9. Lexus – 52.4%
10. Hyundai – 51,2%
