Францускиот производител на авиони „Airbus“ од почетокот на оваа година до крајот на месец јули регистрирал вкупно 705 нето нарачки на авиони, со што ја надмина годишната цел за 2014 година, во која за цела година предвиде 623 нарачки, соопштија од оваа компанија.
„Airbus“ за седум месеци во оваа година, сепак, заостанува зад својот главен конкурент , американскиот „Boeing“, кој во истиот период забележал 783 нето нарачки, пренесува францускиот весник Капитал.
Кога станува збор за испораките, француската компанија во соопштението додава дека во периодот јануари-јули од тековната година испорачала вкупно 352 авиони.
