Амир Мемон, инженер за „iOS“ софтвер во „Facebook“ даде прилично опширен одговор на прашањето: „Зошто Марк Цукерберг има рејтинг од 99 проценти на доверба кај своите вработени?“.
Постојат неколку причини поради кои вработените во „Facebook“ имаат доверба во Марк Цукерберг:
Приказна: Изградил сопствена компанија со милиони корисници која вреди милијарди долари, совладувајќи ги бројните препреки на тој пат, притоа ангажирајќи ги најталентираните луѓе на светот.
Принципи: Тој целосно е фокусиран на правењето „свет кој е отворен и поврзан“ и од тоа не се откажува. Сите инвестиции во развој и вработените се фокусирани на таа цел.
Срце: Тој бил еден од најголемите донатори во 2013-та година, и генерално е минималиста. Јасно е посветен на „Internet.org“, иако тука не се бележи најголемото краткорочно враќање на инвестициите. Навистина чувстуваме дека сака да го смени светот на подобро.
Чувство: Кој друг извршен директор инаку би купил компанија за „разговори“ за 19 милијарди долари?
Мудрост: Кога ќе го слушнете како говори, едноставно да ви се наежи мозокот. Тој има неверојатна способност да ги прави сите вистински стратешки потези и кога објаснува за причините за тие потези, се едноставно има целосна смисла. Нормално, направени се и некои грешки, но кога се донесени одлуки, тие се донесени од вистински причини.
Доверба: Марк не ги донесува сите одлуки, всушност, далеку од тоа. Чувствуваме дека ни е доверено својата работа да ја завршиме на оној начин кој е најдобар за „Facebook“. Ова е значително поразлично од многу други компании.
Карактер: Тој носи маици и фармерки, говори за одредено смирување и генерално е многу отворена личност. Тоа ние го сакаме.
Работа: „Facebook“ е стабилна работа чија заработка постојано расте.
Бесплатна храна и други погодности: Да и поради тоа го сакаме, и него и компанијата. Иако тоа може да престане во секој момент, тој тоа не го прави. Ако некој ми даде колачи, ќе го сакам.