Британската банка „Royal Bank of Scotland – RBS“ го зголеми нето профитот во првата половина од гoдината на 1,42 милијарди фунти од 535 милиони фунти во истиот период претходната година.
Банката, сепак, предупреди дека евентуалната независност на Шкотска би можела да го загрози работењето.
Профитот пред оданочувањето истовремено е двојно зголемен на 2,65 милијарди фунти, пренесува агенцијата АП.
Резултатите ги надминаа очекувањата на аналитичарите, но акциите на банката утринава се намалија за 2,3 проценти.
„RBS“ за време на финансиската криза во 2008 година дoби помош од британската влада и моментално 81 процент од акциите на банката се во сопственост на даночните обврзници. Банката наведува дека евентуалната независност на Шкотска би можела да влијае негативно на нејзиното работење, финансиската ситуација, резултатите и прогнозите.
