„Siemens“ денеска објави за помал раст на добивката во вториот квартал, отколку што очекуваа аналитичарите, при што особено ги истакнаа предизвиците со кои е соочен нивниот енергетски сектор.
Во трите месеци до јуни, оперативната добивка на „Siemens“ во неговите четири главни бизниси – индустрија, енергија, здравство и инфраструктура, порасна за 37 проценти или на 1.74 милијарди евра, додека аналитичарите очекуваа околу 1.83 милијарди евра.
Нивната добивка во енергетското работење се намали за 6 проценти по еднократните трошоци, а особено оние поврзани со одложувањето за поврзување на ветерниците на море со копнените енергетски мрежи.
Таквите вести преставуваат проблем за извршниот директор, Џо Кејсер, кој на водечкото место во „Siemens“ е поставен пред една година со цел да ја подобри профитабилноста, затоа што „Siemens“ губи дел на пазарот поради зголемената конкуренција на ривалите, како што се швајцарски „ABB“ и американски „General Electric“.
