Еден од најдолговечните и најпрепознатливите модели во историјата на автомобилската индустрија, Порше 911, прославува половина век од своето постоење.
Најголема заслуга за појавата на овој прочуен спортски автомобил му припаѓа на човекот со име Фердинанд Александар Порше.
Ф.А.Порше кој е внук на основачот на компанијата, го превзема раководството на дизајнерскиот тим на Порше во 1962, а една година подоцна беше претставен моделот 911. Овој модел на Порше премиерно беше претставен на франкфуртското авто-шоу во септември 1963 година.
Од тогаш, па се до денес, продадени се вкупно 820.000 примероци на магичниот автомобил 911.
И покрај многуте промени и усовршувања, основниот дизајнерски и механички концепт, со моторот кој е сместен позади и погон на задните тркала, до денес остана ист.
Кога ќе ставите два модела еден до друг, едниот од 1963 година и актуелната верзија, континуитетот е очигледен.