Што му треба на човек во една хотелска соба? Удобен кревет и чиста бања. Богатите луѓе, навикнати на луксуз, сепак, не се задоволуваат само со тоа. За да привлечат ВИП клиенти хотелите во светот градат не соби, а туку цели палати…
Хотелските апартмани во луксузните хотели често се со големина на живеалиште за 4-члено семејство. Во нив има библиотеки, соби за масажи и што ли уште не.
Видете кои се најголемите хотелски апартмани денес:
Кралскиот апартман во „Hotel Carl Gustaf“, Сент Бартс, Карибите.
Големината на апартманот е 241 квадратни метри, што е ужасно скромно во споредба со останатите во овој ранг. Достапни се тераса на покривот со сопствен базен и џакузи, 4 спални.
Цената на ноќевање започнува од 25.763 долари.
Претседателски апартман во „St. Regis Singapore“.
Големината на апартманот е 334 квадратни метри. Гостите имаат на располагање личен готвач, дневна, трпезарија, кабинет, фитнес, како и автомобил (по избор – „Maybach“ или „Bentley“). Во бањата има џакузи и 42-инчен телевизор.
„Palace suite“ во „Emirates Palace Hotel“, Абу Даби.
Големината на апартманот е 680 квадратни метри. Постојат три спални, бањи од мермер. Се нуди и златен лаптоп. Имате батлер на располагање 24 часа на ден. Во секоја спална соба има 61-инчен плазма телевизор.
Претседателскиот апартман во „Tivoli Sao Paulo Moffarej“, Сао Паоло, Бразил.
Големината на апартманот е 750 квадратни метри. Овој апартман има место за слетување на хеликоптер, 360-степен поглед на Сао Паоло.
Цената за ноќевање започнува од 16.000 долари на вечер.
Апартманот „Hilltop Estate“ во „Laucala Resort“, Фиџи.
Големината на апартманот е 1021 квадратни метри. Комплетен луксуз и изолација од остатокот на хотелот се нудат тука. Гостите имаат на располагање батлер и готвач.
Цената за ноќевање започнува од 5.241 долари на вечер.
„Grand Hotel Kempinski“, Женева.
Ова е еден од најголемите апартмани во Европа. Неговата површина е 1180 квадратни метри. Тој е на два спрата, има две дневни, три спални, кујна, бар, парна бања и 4 купатила. Има место и за фитнес, маса за билијард и соба за остава.
Цената за ноќевање чини 41.500 длара на вечер.
„Maharajah’s Pavilion“ во „Raj Palace“, Удајпур, Индија.
Овој апартман има импресивна површина од речиси 1.500 квадратни метри. Располага со базен на покривот, бар, библиотека и дури приватна галерија со дела на локални уметници.
Ноќевањата започнува од 15.700 долари.
Кралскиот апартман во „Hotel President Wilson“, Женева.
Во овој апартман има 12 спални и 12 бањи, фитнес, лифт. Во дневната соба има ројал „Steinway“. Само терасата е со површина 1670 квадратни метри!
Ноќевање чини 68.000 долари.
Кралскиот апартман во „St. Regis Saadiyat Island Resort“, Абу Даби.
Големината е 2100 квадратни метри. Тоа е најголемиот хотелски апартман во ОАЕ. Има сопствено кино, спа центар, сауна и отворен базен. Ги зазема последните два ката на луксузниот хотел.
Ноќевање започнува од 36.600 долари.
Кралскиот апартман во „Grand Hills Hotel and Spa“, Бејрут, Либан.
Ова е најголемиот хотелски апартман според рекорди. Големината е 4134 квадратни метри и зазема 6 ката! Во него има два базени, има и прекрасен поглед кон плажа.
Цената за ноќевање чини 48.400 долари.