Во еден ресторан во Грац, цената на обичната вода од чешма предизвикала бројни реакции од гостите. За половина литар вода се наплаќа 1,70 евра, што еден гостин го нарече „нов рекорд“.
Дебатата за тоа дали водата од чешма треба да се наплаќа во угостителските објекти повторно се покрена по примерот од азиски ресторан во центарот на Грац.
1,70 евра за вода од чешма
Според австриските медиуми, во менито на ресторанот е наведена цена од 1,70 евра за половина литар „вода од чешма“. Не е можно да се нарача количина помала од четвртина литар. Дополнително изненадување за гостите е цената на порција лимон, која е 0,80 евра.
Така, гостин кој сака вода со малку сок од лимон би платил вкупно 2,50 евра.
Од ресторанот објаснија дека не станува збор за обична вода од чешма, туку за вода која дополнително се филтрира пред сервирање. Тие додадоа дека цената ги вклучува трошоците за персоналот, миењето чаши и сервирањето.
За порцијата лимон, тие наведоа дека гостинот добива свежо цеден сок и три дополнителни кришки лимон, пишува Феникс.
Цената на водата предизвика поделени реакции на социјалните мрежи. Додека некои сметаат дека 1,70 евра е превисока цена, други се на страната на угостителите и истакнуваат дека рестораните имаат бројни трошоци, вклучувајќи ги и платите на вработените.
