Компанијата „Pepe Jeans Group“, најмногу позната по своите брендови на тексас и спортска облека, ја најмила „Morgan Stanley“, за да ја разгледа можноста компанијата да биде продадена, информира „Bloomberg“.
Продажбата ќе ги вклучува марките „Pepe Jeans“ и „Hackett“, а за компанијата може да бидат платени 700 милиони евра (941 милиони долари). Компанијата го привлекла интересот на компании за удели за инвестирање, меѓу кои „KKR & Co.“, „Permira Advisers LLP“, „CVC Capital Partners Ltd.“ и „PAI Partners SAS“, како и од стратешки инвеститори.
„Pepe Jeans“ која е основана од тројца браќа на киоск на лондонскиот уличен пазар Портобело во 1973-та година, во моментов е во сопственост на компаниите со удели за инвестирање „Torreal“, „Arta Capital“, „L Capital“ и нејзиниот тим, предводен од главниот извршен директор Карлос Ортега. Тој ќе остане на функцијата, дури и по склучувањето на евентуална зделка.
„Pepe Jeans“ која е спонзор на тимот од Формула 1, „Infiniti Red Bull“, а меѓу нејзините рекламни лица биле актерката Сиена Милер и фудбалерот Кристијано Роналдо, во моментов има присуство во над 60 земји. Годишната оперативна добивка на компанијата изнесува околу 60 милиони евра.
