„Епл“ официјално потврди дека неодамна во тајност ја презел компанијата „БукЛамп“.
Стартап компанијата од американската сојузна држава Ајдахо разви софтвер што може да ги сортира книгите и на читателите дава препораки врз основа на стилот на кои се пишувани.
„Епл“ планира со помош на „БукЛамп“ алгоритмот да го унапреди пребарувањето, категоризирањето и препораките на својата АјБукс апликација.
Сите десет вработени од компанијата се дел од „Епл“, а Бук Џеном Прожект, најголемиот проект на кој работела компанијата „БукЛамп“ за категоризирање и до 100.000 книги неделно е изгаснат.
„Епл“ не ја објави вредноста на новата компанија, но според аналитичарите преземањето чини меѓу 10 и 15 милиони долари.
