Двајца вработени во централната Банка на Албанија се обвинети дека во последните четири години од банкарскиот трезор украле околу шест милиони долари.
Обвинетите маж и жена работеле во секторот на Банката задолжен за чување на паричните средства повлечени од оптек.
Мажот, кој веќе 21 година работел во Банката на Албанија, по приведувањето изјавил дека на местото на украдените пари од трезорот ставал исчена хартија, тврдејќи дека дневно изнесувал и по 4.000 долари во албански леки.
Тој рекол дека сите украдени пари ги поторшил во казино, но полицијата се сомнева во ваквото тврдење.
За разлика од него, приведената жена ги отфрла обвинувањата за вмешаност во грабежот.
