Аргентина нема да банкротира, бидејќи ги исплаќа своите обврски кон сопствениците на аргентински државни обврзници, изјави аргентинскиот претседател Кристина Кирхнер.
Аргентинската Влада преговара во спор со неколку кредитори за плаќања во однос на државни обврзници во вредност од 1,5 милијарди долари, што може да резултира со втор банкрот на земјата за 13 години.
Кирхнер сепак истакна дека ќе треба да се создаде нова дефиниција за обврските, што ќе се однесува на ситуацијата „должник, кој плаќа и некој, што го блокира“.
