Меѓународниот монетарен фонд (ММФ) ја намали прогнозата за растот на американската економија во 2014 година, истакнувајќи го исклучително слабото прво тримесечје од годината.
Бруто домашниот производ (БДП) се очекува да оствари раст од 1,7 проценти во тековната година, што ќе претставува најслаб раст по излегувањето од рецесија во 2009 година, прогнозра организацијата.
Најголемата светска економија се намали за 2,9 отсто во првото тримесечје, по растот остварен во втората половина на 2013 година, пренесува ДПА.