Централната банка на Турција најави дека ќе ја намали референтната каматна стапка од 8,75 проценти на 8,25 проценти.
Централната банка на Турција се одлучи за минимално намалување на каматата и покрај притисоците на турскиот премиер Реџеп Таип Ердоган, тоа намалување да биде значително поголемo поради поттикнување на понатамошниот економски раст, пренесува агенцијата АПФ.
Во соопштението на Банката, објавено на сајтот на оваа финансиска институција, се наведува дека „монетарните мерки за штедење ќе бидат задржани, се додека не дојде до значително подобрување кое ќе се одрази на падот на инфлацијата“.