Русија од јануари до јуни оваа година го зголеми произвoдството на необработено злато во плочки за 28,7 проценти на годишно ниво.
Во јуни производството на злато е зголемено за 20,4 проценти во споредба со истиот месец минатата година, соопшти руската агенцијата за статистика Ростат.
Ископувањето на руда и производството на концентрати злато во првата половина од годината се зголемило за 15,6 проценти во однос на истиот период минатата година, додека во јуни растот изнесуваше 12,5 проценти.
Производството на платина и нејзините легури во јуни е намалено за 12,6 проценти на годишно ниво, а од почетокoт на годината е зголемено за 10,3 проценти во споредбa со првата половина од 2013 година.
Според податоците на Ростат, производството на паладиум и неговите легури минатиот месец е намалено за 19,1 проценти, а во првите шест месеци за 0,9 проценти.
