Американскиот технолошки гигант „Apple“ ќе им плати на потрошувачите надомест во износ од 400 милиони долари поради незаконско местење на цената на електронските книги, соопштија денес американските власти.
Со тоа ќе биде надокнадена штетата на потрошувачите во 33 американски сојузни држави, чии власи побарале надомест од „Apple“ поради местењето на цените на книгите.
Со таквата одлука само е потврдена првобитната пресуда од јули 2013-та година.
Таа се основа на информации кои ги соопшти американскиот федерален суд, дека од „Apple“ го прекршиле законот за заштита на конкуренцијата и се здружиле со уште пет издавачи со цел незаконски да ги подигнат цените на електронските книги.
