Индустриското производство во еврозоната во мај се намали за 1,1 отсто, откако во април забележа пораст од 0,7 проценти, соопшти денеска Евростат.
Падот на индустриското производтсво во мај е помало од прогнозата на економистите – 1,2 отсто.
На годишно ниво во однос на мај минатата година индустриското производство се зголемило за 0,5 проценти.
Во Европската унија индустриското производство се намали за 1,1 отсто на месечно ниво во мај, по зголемувањето од 0,7 проценти во април.
На месечна основа најголем пад е забележан во Португалија (3,6 отсто), потоа во Шведска (3,2) и Данска (2,1 проценти), а најголем пораст е регистриран во Романија (2,6), Литванија (1,6) и Холандија (1,1 отсто).
На годишно ниво најголем пораст на производството има во Романија (15 проценти), Литванија (10,2) и Унгарија (9,5), а најголем пад е забележан во Малта (11,9), во Франција (4,2) и во Финска (2,9 отсто).
