Сопствениците на големите компании во САД во принцип сметаат дека воведувањето четиридневна работна недела е интересна идеја, но сепак тие не би поддржале предлог за намалување на бројот на работни часови во една седмица.
Ваквите сознанија поризлегуваат од анкетата на „Спектрем груп“, спроведена со деловни луѓе кои во својот бизнис располагаат со средства поголеми од еден милион долари.
Анкетата покажа дека од дури 69 отсто од бизнисмените-милионери поддржуваат укинување на еден работен ден во неделата. Тоа особено се однесува на жените-милионери, меѓу кои дури 82 проценти сметаат дека четири работни дена во неделата се вистинско решение.
Сепак, како што пренесува Ен-Би-Си, покусата работна недела, според бизнимените подразбира подолго работно време. Многу милионери сметаат дека за нивните дејности и натаму се потребни 40 работни часа неделно по вработен, но и дека на работниците повеќе би им одговарало да работат четири дена неделно по 10 часа.