Интернет купувањето кое во Америка практично е дел од секојдневниот живот зема замав и во прехрамбената индустрија.
Компаниите се одлучни во намерата да се борат за секој купувач, а така „Amazon Fresh“ кој нуди секојдневна достава на храна од неодамна доби конкуренција од страна на компанијата „Google“.
„Google“ одлучи да инвестира 500 милиони долари во неговиот нов потфат „Google Shopping Express“ кој може да стане сериозна конкуренција на „Amazon Fresh“ со оглед на поголемата достапност на пребарувачот и фактот дека потенцијалните купувачи прво мора да „пројдат“ низ „Google“ за да го посетат „Amazon“.
Меѓутоа, постои уште еден важен факт кој му дава предност на „Google“, а тоа се добавувачите. Додека „Amazon Fresh“ овошјето и зеленчукот го чува во своите складишта и камиони-ладилници, „Google Shopping Express“ работи со локалните продавници, и на тој начин освен кон купувачите, отвора врати за соработка и со трговските ланци.