Цените на мало во Шпанија во јуни останаа на стабилно ниво, а инфлацијата на годишно ниво изнесува нула проценти, соопшти Заводот за статистика Ине.
Во Шпанија во март била забележана негативна инфлација од 0,2 проценти, што ги загрижи аналитичарите поради опасноста дефлацијата да земе замав не само во оваа, туку и во останатите земји на еврозоната, пренесува АФП.
Сепак, во април беше забележано стабилизирање и потрошувачките цени се зголемија за 0,3 проценти, а во мај за 0,2 проценти.
Инфлацијата во Шпанија во јуни која изнесуваше нула проценти е резултат на поевтинувањата на прехрамбените производи и безалкохолните пијалоци за 1,5 проценти, како и падот на цената на електричната енергија.
Шпанската инфлација останува далеку под два проценти, колку што е целта на Европската централна банка.