Инфлацијата во Романија во јуни достигна историски минимум од 0,66 проценти на годишно ниво, соопшти Заводот за статистика ИНС.
Потрошувачките цени во Романија, членка на ЕУ но не и на еврозоната, се намалени во јуни за 0,27 проценти во однос на претходниот месец, пренесува агенцијата АФП.
Најмногу поевтиниле прехрамбените производи – 0,74 проценти во однос на мај 2014 година. Цените од услужните дејности се намалени за 0,18 проценти. Поскапиле само непрехрамбените производи и тоа за 0,08 проценти.
Во мај веќе бил забележан инфлаторен историски минимум од 0,94 проценти во однос на априлската инфлација од 1,21 проценти.
