Најголемиот извозник на кафе во Африка – Уганда планира да го зголеми производството на кафе за четири пати во текот на наредните години, поради зголемената потрошувачка на овој напиток во светот.
Претседателот на Уганда, Јовер Мусевени на состанокот со претставниците на Меѓународната организација за кафе изјави дека земјата планира да го зголеми производството и дека планира да достигне производство од најмалку 12 милиони вреќи од 60 килограми кафе годишно.
Се очекува во текот на производствена 2012/2013 година производството на кафе да биде зголемено за 10 проценти, на три милиони вреќи.
За достигнување на поставените цели, владата во Уганда има намера до 2020 година секоја година да засади најмалку 20 милиони нови стебла кафе.
Извозот на кафе е на второто место во структурата на приходи на Уганда, по туризмот.
Речиси целото производство од кафе тие го извезуваат во САД, Европската унија и азиските земји.
Треба да се напомене мислењето на експертите кои тврдат дека кафето во наредните десет години драстично ќе поскапи, а тоа ќе се должи на климатските промени и зголемената побарувачка.
