Германскиот авиопревозник „Lufthansa“ останува при неодамна ревидираната прогноза за профитот во оваа година, наведувајќи дека планира да го прошири работењетo во нискобуџетниот сектор.
„Lufthansa“ наведува дека, и покрај инвестициите кои се неопходни за низа нови стратешки мерки, уверена е дека ќе ги оствари прогнозираните резулати во 2014 и 2015 година, пренесува агенцијата Франс прес.
„Извршниот одбор очекува профитот од работењето во тековната година да изнесува околу милијарда евра“, наведува компанијата, која минатиот месец ја намали прогнозата за 2014 и 2015 година поради разочарувачките резултати во патничкиот и товарниот авиосообраќај и финансиските проблеми поради честите штрајкови.
Компанијата, сепак, за да ги исполни целите, ќе го намали обемот на планираното зголемување на капацитетите во патничкиот сообраќај, ќе повлече одреден број на авиони и ќе го намали карго капацитетот.
„Lufthansa“ исто така наведува дека планира да го зголеми присуството во секторот за нискобуџетен авиосообраќај, каде во моментот работи нејзината платформа „Germanwings“.
