Словенија е за реализација на проектот „Јужен поток“ на територијата на Словенија, изјави денеска на прес конференција во Марибор словенечкиот министер за надворешни работи Карл Ерјавец, пренесе ИТАР-ТАСС.
„Ние сакаме „Јужен поток“ да минува низ нашата територија“, рече Ерјавец.
Според словенечкиот министер, при својата посета на Москва, на 30-ти мај, тој добил уверување дека по склучувањето на спогодбата со Австрија „Јужен поток“ ќе минува преку словенечка територија.
Ерјавец прецизира дека пречките за реализацијата на проектот се повеќе од административен, а не од политички карактер. Тој истакна дека штом било најдено решение за „Северен поток“, нема причина да не се решат и проблемите со „Јужен поток“.
„Ние сметаме дека откако Европската комисија ќе почне да дише со полни гради ова прашање веднаш ќе се придвижи нанапред“, рече Ерјавец.
