Грција на денешната аукција за шестмесечни обврзници собра 1,25 милијарди евра по малку пониски каматни стапки во однос на сличната аукција во јуни.
Вкупниот обем на побарувачката изнесуваше 3,322 милијарди евра, додека понудениот обем на емисиите изнесуваше 1,25 милијарди евра, се наведува во соопштението на грчката агенцијата за управување со долгот.
Се додава дека каматните стапки на шестмесечните обврзници се намалени на 2,05 проценти од 2,15 проценти во јуни, пренесува агенцијата Франс прес.
