Ретки се случаите по некоја голема аквизиција во двете компании сите вработени да го зачуваат своето работно место. Аналитичарите веруваат дека отпуштањата во „Microsoft“ по купувањето на одделението на „Nokiа“ за мобилни телефони е само прашање на време.
„Microsoft“ со оваа аквизиција на сопствените 100.000 вработени додаде уште 25.000 од „Nokiа“. Причината за отпуштањата се преклопувањето во одделите, кои по реорганизацијата ќе бидат соединети.
Втората причина е таа што со аквизицијата вредна преку седум милијарди долари, купена е компанија која не носи пари, барем не се уште. Блиски извори од „Microsoft“ наведуваат дека од отказите би можеле да бидат погодени до десет проценти од работната снага.
Отпуштањата ќе бидат објавени по 22-ри јули кога ќе биде одржан состанок за финансиските резултати, наведуваат аналитичарите.