Парламентот на Кувајт во четвртокот го прифати државниот буџет со рекорден износ од 23,21 милијарди кувајтски динари (82,6 милијарди долари).
Буџетот за фискалната 2014/2015 година предвидува дефицит од 3,13 милијарди динари (11,2 милијарди долари), пресметан врз основа на конзервативната проценка на цените на суровата нафта од кои оваа земја има најголеми приходи.
Расходите се зголемени за 10,5 проценти во однос на 21 милијарда кувајтски динари од претходниот буџет, додека приходите се проценети на 20,07 милијарди динари (71,4 милијарди долари), што е раст од 11 проценти.
Буџетот е прифатен и покрај острата критика на официјалните лица поради растот на расходите, вклучувајќи ги платите и субвенциите.
За време на расправата, дури и министерот за финансии Анас ал Салех изјавил дека јавната потрошувачка за 13 години е шесткратно зголемена.
