Чешката Влада го одобри воведувањето на втората намалена стапка на Данокот на додадена вредност (ДДВ) во износ од десет проценти за книги, храна за бебиња и лекови, јави дописникот на МИА од Прага.
Намалување на ДДВ за книги, храна за бебиња и лекови во Чешка
Новата стапка која ќе важи од јануари 2015 година е дел од коалицискиот договор на владата и според соопштението целта е да се намали цената на тие производи за крајните потрошувачи, иако тоа значи намалување на средства во Буџетот.
Истовремено, Законот за ДДВ предвидува задржување на основната стапка на ДДВ од 21 проценти и намалена стапка од 15 проценти, а во исто време се откажува од воведувањето на единствена стапка од 17,5 проценти на ДДВ, која требаше да важи од јануари 2016 година.