Германскиот производител на автомобили „Opel“ откри нови детали за петтата генерација на моделот „Corsa“.
Како што соопшти компанијата, новата „Corsa“ наскоро ќе влезе во сериско производство, а во тек се завршните проверки и тестирања на прототиповите, со цел да се заврши финото подесување на сите компоненти.
„Opel Corsa E“ меѓу останатото го носи и 1.0 ECOTEC бензинскиот мотор на новата генерација со нов шестстепен мануелен менувач, како и нова механичка платформа и подобрено управување.
Новиот 1.0-литарски трицилиндарски турбо бензинец произведува 115 ks (85 kW), со „Sport“ и „Comfort“ шасија.
Само за споредба, актуелната „Corsa D“ наместо овој мотор користеше 1.4-литарски 100 ks (74 kW) и 1.4-литарски турбо-бензинец кој развива 120 ks (88 kW).
„Opel“ се уште официјално не го потврди датумот на премиерата, но се очекува новата „Corsa“ да и биде претставена на публиката во октомври на авто-саемот во Париз.
