Германскиот трговски ланец „Lidl“ во многу краток временски период планира да инвестира околу 300 милиони долари за масовна експанзија на американскиот пазар, пренесува агенцијата Франс прес.
Од „Schwarz“ групацијата, во чии рамки работи компанијата „Lidl“, соопштија дека на тој начин ќе се вработат 2.500 нови работници.
Трговскиот ланец „Lidl“, кој експресно се рашири во 26 европски земји и во моментов поседува 9.000 објекти низ Стариот континент, претходно најави дека ќе отвори 100 објекти во САД, веќе на почетокот на наредната година, главно на Источната обала, како што тоа го направи и неговиот главен конкурент во Германија „Aldi“.
