Најголемата албанска рударска компанија „AlbChrome“, која е дел од групацијата „Balfin“, најави дека ќе инвестира 25 милиони долари во рудникот за хром Булќиза, во Албанија.
„Станува збор за една од најголемите инвестиции во Албанија, но и во Европа“, се наведува во соопштението на „AlbChrome“.
Во најавениот проект, како што се наведува во соопштението, би требало да бидат инвестирани 25 милиони долари, а благодарение на тоа околу 2.126.800 тони геолошки резерви од рудата хром ќе станат достапни.
Албанската компанија, исто така, приреди церемонија со која го одбележа отворањето на јамата „Број 9“ во рудникот за хром во албанскиот град Булќиза.
