Компанијата „Дунав минерал“ во местото Тулар во општина Медвеѓа на југот на Србија, откри резерви од злато и бакар, јави агенцијата „Прешева јоне“.
– Од анализите е утврдено дека еден тон руда содржи 0,22 грама злато и 0,23 отсто бакар.
Тоа е 1.260.000 тони бакар и 120 тони злато, изјавил претставникот на компанијата Фил Фокс.
Според него, имајќи ги во предвид овие охрабрувачки, резултати во тек е подготовка на студија околу економската вредност, влијанието врз животната средина, технологија и металургија, како и социјалниот аспект.
Прелиминарните резултати од студијата се очекуваат кон крајот на годината.
Компанијата „Дунав минерал“ е компанија регистрирана во Србија со канадски капитал и вработува триесетина работници.
