Институциите, осебно Државниот инспекторат за земјоделство, будно да ја следи ситуацијата со подготовката и текот на жетвата, како и со откупот на пченицата, договорија на денешниот работен состанок министерот за земјоделство, шумарство и водостопанство Михаил Цветков и неговиот заменик Зоран Коњановски со претставници на здруженијата на земјоделци.
Министерството за земјоделство, беше заклучено, ќе ги преземе сите потребни мерки за навремен почеток и квалитетен откуп на пченицата. Земјоделците побараа на наредните состаноци да се вклучат и претставници на мелничко-пекарската индустрија со кои ќе се разговара за откупот на пченицата.
Со денешниот состанок почнуваат средбите на производителите и преработувачите кои ќе придонесат за квалитетно извршување на жетвените активности. Првата е закажанат за недела во Свети Николе.
