Француско-холандската авио-компанија „Air France-KLM“ до 2017-та година ќе инвестира дополнителни 300 милиони евра за обнова на внатрешноста на авионите од типот „A330“ и „A380“.
Компанијата досега во реновирање на патничкиот простор вложи повеќе од 700 милиони евра.
Оваа новост ја кажа генералниот директор на компанијата, Александар де Жиниак, по повод промотивниот лет на авионот „Вoеing 777“ со реконструираниот патнички простор во „бизнис“, „премиум економи“ и „економи“ класите.
Во интервјуто за француските медиуми, Жиниак потврди дека групацијата ќе продолжи со вложувања во екслузивните иновации за авионите кои се наменети за средни летови.
