Американската економија во првиот квартал, на годишно ниво, потона за 2,9 проценти поради острата зима, што е најголемото забавување на економијата на САД во последните пет години.
Таквиот пад на економијата е значително полош од првичните проценки на Министерството, кое прогнозираше забавување од еден процент на годишно ниво, пренесува агенцијата АП.
Најновите резултати се последица на слабиот раст на личната потрошувачка и зголемениот трговски дефицит на САД.
И покрај падот на економскиот раст во првиот квартал, многу аналитичари сепак сметаат дека американската економија ќе порасне со силно темпо и дека во текот на вториот квартал ќе му се приближи на растот од четири проценти.
