Куба денес ја намали прогнозата за економскиот раст во оваа година на 1,4 од 2,2 проценти.
Хавана за таквата одлука ги наведува неповолните економски услови, вклучувајќи го и малиот обем на средства кои граѓаните ги примиле од своите најблиски од странство.
Кубанскиот весник „Гранма“ го цитираше министерот за економија Адел Искјерд, кој на состанокот на Советот на министри порача дека економскиот раст на Куба во првата половина од годината се проценува на само 0,6 проценти, пренесува агенцијата Франс прес.
Лошите временски услови, влијанието на долготрајната американска блокада и разните внатрешни слабости исто така се наведени како причини за забавување на растот на БДП.
Кубанската економија минатата година напредуваше 2,7 проценти, потфрлувајќи во однос на официјалната цел од 3,6 проценти.