Сместен во близина на Мајами, околу заливот „Biscayne“, овој луксузен имот чини неверојатни 47 милиони долари…
Ултра луксузниот „3 Indian Creek Island“ имот, кој е создаден од група на архитекти „The Jills and the Alexander Group“ целосно завршен бил во 2010 година.
Оваа раскошна вила се простира на површина од 2.800 квадратни метри, а се состои од 10 спални соби и 14 посебни бањи, кои се поврзани со камени патеки и бујна животна ограда.
Овој објект ви обезбедува максимална приватност и безбедност.
Се наоѓа на мал остров на кој има мал терен за голф, како и приватен кантри клуб. Најскапиот имот на Јужна Флорида изграден е според концептот на еден од најпочитуваните архитекти во светот, Рене Гонзалес. Совршеното ремек дело е мешавина од уметност и архитектура и изобилува со уникатни комбинации на екстериерот и ентериерот.
Сопствениците и гостите можат да уживаат во луксузниот централен базен, кој е долг 30 метри. Во овој базен се наоѓаат и подводни звучници, а вилата има прекрасна пространа градина, неколку сјајно дизајнирани фонтани, спа центар, теретана, 6 барови, „sky bar“ на кровот, вертикални градини, џакузи и огромна ТВ сала.
Погледнете ги прекрасните фотографии од ова ремек дело…
