Според пишувањето на „Bloomberg“, кој се повикува на добро информирани извори, „Oracle“ води преговори за превземање на „Micros Systems“ за повеќе од 5 милијарди долари.
„Micros Systems“ произведува хардвер и софтвер за продажни места во продавници, ресторани и хотелски ланци. Со превземањето на „Micros Systems“, „Oracle“ ќе ја зајакне својата позиција во областа на софтверски решенија, како услуги.
Како што проценуваат аналитичарите, конкурентите на „Oracle“, како што се „SAP“ или „IBM“, би можеле исто така да дадат своја понуда за превземање на „Micros Systems“ со цел да ја зголемат цената.
Доколку целата работа се реализира, тоа би можело да биде второто најголемото превземање од страна на „Oracle“ по купувањето на „Sun Microsystems“ за 5.6 милијарди долари во 2009-та година.
