Сојузот на стопански комори на Македонија, на редовното годишно Собрание на кое присуствуваа над 500 членови, ја избра Данела Арсовска за претседател на Сојузот во следните две години.
Арсовска е член на Управниот Одбор на ССК и претседател на Услужната комора.
На претседателската функција во ССК претходно беше Златко Калеников.
– Ќе се залагам за организациски развој на ССК, економски раст на компаниите, иницирање на законски измени и двојно зголемување на членството. Минатата година, Услужната комора со која јас раководат, двојно го зголеми бројот на членови и реализира голем број на активности. Се надевам овој успех ќе го постигнеме и на ниво на ССК, изјави Данела Арсовска.
Арсовска се заблагодари за довербата и ги охрабри сите членови на ССК да продолжат да придонесуваат со својот ангажман во јакнењето на Сојуз на стопански комори на Македонија, со што ќе инвестираат и во иднината на сопствените компании.
