Секојдневието на претприемачите е исполнето со подеми и падови. Меѓутоа, ако сте фокусирани на крајната цел и ако гледате прилика во секој предизвик, полесно ќе ги пребродите неизбежните падови.
Ова се пет инспиративни цитати кои ќе ви помогнат да се справите со падовите, а тие произлегуваат од најуспешните претприемачи на денешницата.
1. „Најголемото откритие на сите времиња е тоа дека човекот може да се промени, а со тоа да го промени и својот став“ – Опра Винфри.
Опра Винфри и нејзиниот успех му се познати на секого, таа својата кариера презентер на вести ја искористила како отскочна даска за своето „talk show“, од кое изгради бизнис империја. Меѓутоа она што најмногу ја прослави Винфри е тоа што нејзиното шоу имаше оптимистичен став и беше изградено со цел да им го подобри животот на другите. Советите кои ги даваше Винфри и експеритете во нејзиното шоу беа поврзани со здравото тело, ум, душа, и токму таа разновидност и ја додели на Винфри титулата за највлијателната и најуспешната јавна личност во Америка.
2. Животот не е лесен, но секогаш е добар“, Џон Џејкобс, основач на „Life Is Good “ линијата на облека.
Џон Џејкобс и неговиот брат започнале бизнис во 1989 година продавајќи маици со оптимистични натписи, како што се „Life is good“, „Bark less, wiggle more“… Тие со години ги продавале своите маици на своите пријатели и низ улиците во Бостон, додека нивната облека во 1994 година не се лоцираше во првата локална продавница. Денес нивната облека се продава во 4.500 различни продавници во Америка и во 30 други земји. Тие се вистинскиот доказ дека позитивниот став и упорноста се вистинскиот рецепт за бизнис.
3. „Не дозволувајте да ве плаши она што не го знаете. Ако правите нешто, а не знаете како тоа го правеле некои други лица пред вас, сигурно дека ќе го направите различно“, – Сара Блекли, основач на SPANX.
SPANX е светски познат бренд за женска долна облека, кој ја направи Сара најмладата жена милијардерка во светот. Таа се залага за идејата дека незнаењето не е лош знак за претприемништвото, и тоа го споменува во многу свои говори, таа е уверена дека често добро искористеното неискуство може да биде вистинскиот пат до иновативноста.
4. „Бизнис можностите се како автобус, ако пропуштите еден ќе дојде друг“ – Ричард Бренсон
Ричард Бренсон е вистинска рок ѕвезда во бизнисот, неговата телекомуникациска компанија, авиокомпанија и компанија за вселенски туризам се само некои од „производите“ кои го носат името „Virgin“ на себе. Бренсон ги сака ризиците и големите идеи, затоа е уверен дека не треба да се жалат бизнис приликите кои поминале бидејќи нови прилики доаѓаат секој нов ден. Тој е уверен дека токму ваквото размислување е клуч за претприемачкиот оптимизам.
5. „Не се ограничувајте. Многу луѓе се ограничуваат со своите верувања за нешто што можат да го остварат. Можете да остварите се што ќе замислите. Тоа во што верувате, запомнете, тоа можете и да го остварите“, Мери Кеј Еш, основач на „Mary Kay Cosmetics“
Мери Кеј имала желба да создаде деловна прилика за жените кои се бореле против неправдата на работното место во 60-тите години од минатиот век. Од оваа желба, да им овозможи на жените да имаат сопствена кариера, таа создала своја козметичка империја која денес вреди околу 2,9 милијарди американски долари. Приказната на Мери Кеј е одличен пример дека перцепцијата за она што е можно, е всушност тоа, само перцепција.
