Индустриското производство во еврозоната закрепна во април со раст од 0,8 проценти, по падот од 0,4 проценти во претходниот месец.
За тоа придонесе зголемувањето на производството на електрична енергија и потрошувачка на стока, покажаа податоците на Европскиот завод за статистика, Еуростат.
Особено е охрабрувачки растот на индустриското производство Италија и Шпанија, каде слабите податоци во март предизвикаа загриженост за и онака слабото економско закрепнување, наведува Евростат.
Индустриското производство во Франција во април мируваше, односно порасна за само 0,1 проценти на месечно ниво, и оваа земја останува „најголем проблем во еврозоната“, изјави Карстен Брзески од банката ING
На годишно ниво, производството во Франција е намалено за 1,8 проценти, повеќе во однос на падот од 1,4 проценти во еврозоната и 1,7 проценти во најголемата европска економија, Германија.
Производството на стоки за широка потрошувачка е зголемено за 2,1 проценти во монетарната унија, а производството на електрична енергија за 2,5 проценти, додава Еуростат.
